Þetta hefur verið erfitt á tímum og stundum langaði mig ekkert meira en að pakka öllum skónum mínum ofan í tösku og fara heim!
Aðra daga, lék lífið við mig og ég velti fyrir mér hvað í ósköpunum maður væri að hugsa að búa í myrkra - og kuldabæli eins og Íslandi.

Núna í kvöld, horfi ég í kringum mig í herberginu mínu, herbergi 308 sem hefur verið heimili mitt síðustu mánuði. Ég er búin að taka myndirnar mínar niður af veggjunum og hirða upp heimilislegu fatahrúgurnar. Allt dótið, föt, SKÓR og annað er komið ofan í ferðatösku sem er um það bil að springa og ég hef áhyggjur af að mér verði ekki hleypt með þetta flykki inn í neina flugvél.

Í kvöld kvaddi ég vinnufélaga mína, fólk sem ég hef hitt á nánast hverjum degi í hálft ár en eftir daginn í dag, hitti ég kannski aldrei aftur!
Ég afhenti gjöfina sem ég nefndi í síðasta bloggi og hún sló að sjálfsögðu í gegn, þó að það þyrfti mikinn sannfæringarkraft til að fá þau til að trúa að það væri í alvöru heitt vatn í bláa lóninu.

Núna ætti ég að fara að sofa, þar sem ég þarf að vakna klukkan 4 í fyrramálið og hefja ferðina heim. Ég veit samt að ég á ekki eftir að geta sofnað, það eru nefnilega mætt kunnugleg fiðrildi í magann.... fiðrildi sem ég fann síðast fyrir 9. september 2007 þegar ég hélt alein í 6 mánaða ævintýri til Frakklands.

Well....úti er ævintýri ;)

ójá, sem fyrrverandi MA-ingur þá get ég nú ekki sett inn blogg án þess að minnast á Gettu betur keppnina í kvöld, ég er ótrúlega stolt af MA, þau stóðu sig eins og hetjur og tókst að gera þetta alveg ótrúlega spennandi! En, já svona er lífið og annað liðið verður að vinna, í kvöld var það MR og til hamingju með það MR-ingar.

-

Smá framhald.....þetta blogg átti að koma inn í gærkvöldi en nettengingin mín ákvað að renna út akkúrtat í þann mund sem ég kláraði bloggið.
Núna sit ég á kaffihúsi á flugvellinum í París og eftir ca 4 tíma verð ég
komin upp í flugvél á leiðinni til Íslands.
Mér var semsagt hleypt um borð þrátt fyrir ógnvænlega stærð töskunnar minnar en jú.... ég er með yfirvigt  Get svo svarið það að taskan er svo þung að það er ekki einu sinni hægt að draga hana á eftir sér, hélt að handleggurinn myndi slitna af mér !! 

Vá það er ljúft að geta sagt þetta...kem heim í þessum mánuði. Fer meira að segja burt héðan frá Frakklandi í næstu viku !!!
Ég er þó búin að fá tilboð um að vera hér lengur, 1 -2 helst 3 mánuði en ég þurfti samt ekki að hugsa mig lengi um... Heim verður haldið þann 15. mars! .
Núna eru þeir bara ægilega mógðaðir við mig og segjast allir með tölu hlakka mikið til að ég fari og þeir losni við þessa freku og afskiptasömu íslensku konu  
Ég held að þeir fari allir að grenja þegar ég fer heim, hahahah!
Er búin að ákveða að skilja eftir smá gjöf handa starfsfólkinu þegar ég fer. Lét Evu Dís mína kaupa fyrir mig litla ljósmyndabók um Ísland með texta á frönsku. Með bókinni ætla ég svo að láta fylgja lífskjaralista Sameinuðu þjóðanna síðan 2007 en þar er Ísland í 1. sæti...en Frakkland í því 10.... vá þeir eiga eftir aðvera svo glaðir múhahaha

Annars er svosem ekki mikið að frétta, er bara að njóta þess tíma sem eftir er hérna. Sólin er klárlega að taka völdin aftur og eftir að sitja í klukkutíma úti við sundlaugina í gær náði ég mér bara í ágætis roða....ekki brúnku takið eftir..... Roða!!!
Í vikunni er svo stefnan að reyna að senda heim kassa með bókum, dvd myndum og svona þungu dóti sem er langt frá að verði pláss fyrir í ferðatöskunni.
Á dagskránni er líka að fara í sprautu en mér til einstakrar ánægju tilkynntu foreldrar mínir mér það að ég þyrfti að fara sprautu fyrir lifrabólgu A áður en við förum til Dóminíska.
Og kerfið hér er svoooo gáfulegt að maður þarf sko að byrja á því að fara til læknis og hann skrifar upp á lyfseðil fyrir þessu lyfi, og rukkar að sjálfsögðu fyrir. Eftir það þarf að fara í apótekið og sækja lyfið, og borga. Því næst er að fara aftur til læknisins, með lyfið, og biðja hann að sprauta því í þig....og svo, ja þið giskuðuð á það, borga!!!!
En þetta ætla ég samt að leggja á mig og kortið mitt af því að ég er með eindæmum hlýðin stúlka og geri þetta því mamma sagði mér að gera það !!  

já svo eru að hlaðast inn myndir frá því á föstudaginn en þá var ég geggjað hipp og og kúl og fór á de festival de citron í bæ hérna stutt frá. Það er semsagt hátíð það sem allur bærinn er skreyttur með appelsínum og sítrónum og búin til listaverk;) Um kvöldið var svo svaka skrúðganga þar sem vagnarnir voru auðvitað skreyttir með sítrónum og alls konar flott og skemmtilegt.
Allavega, um 50 myndir af sítrónulistaverkum ef einhver hefur áhuga (www.picasaweb.google.com/snaedisanna)

Hef held ég bara ekkert meira að segja ykkur, þau fara nú að verða fá eftir skiptin sem að ég kem til með að skrifa inn á þessa síðu þar sem ég á pottþétt ekki eftir að nenna að blogga eftir að heim kemur!

En það kemur allavega pottþétt eitt í viðbót áður en ég kveð Frakkland svo bíðið spennt heheh

 bisous
Snædís Anna

ps. gleymdi að útskýra hvað var málið með mörgæsa og ísbjarna spurninguna í siðasta bloggi en það var semsagt vegna þess að snillingurinn sem heldur því fram að Brasilía og Víetnam séu hlið við hlið var svo viss um að það væru mörgæsir á norðurpólnum líka, nú er ég hins vegar komin með svo marga sem eru sammála mér að ég kaffæri hann í rökum næst þegar ég hitti hann ;)

Í dag er víst síðasti sunnudagurinn í febrúar sem þýðir að næsta sunnudag er kominn mars en það þýðir að það eru einungins tvær vikur í brottför mína frá Frakklandi.
Það skall nefnilega á mér núna í vikunni hvað er fáranlega stutt eftir, ég held að ég sé ekki alveg að átta mig á því. Er búin að hlakka svo lengi til að ég næ ekki alveg upp í það að þetta sé bara að fara að gerast. Bara svona svipað og rétt áður en ég fór út....
Ég hef allavega vega ákveðið að taka þann pól í hæðina að reyna að draga aðeins úr tilhlökkuninni, svona svo hún gangi nú ekki frá mér, og njóta þessara síðustu vikna hérna.

Ég geri mér vel grein fyrir að ég hef kvartað yfir ýmsum hlutum og ekki alltaf verið ánægð með lífið hérna. En það er bara óhjákvæmilegur fylgifiskur þess að fara út í svona ævintýri aleinn... það hlaut alltaf að vera að það yrði eitthvað sem yrði erfitt og ég væri nú bara eitthvað skrýtin ef ég hefði aldrei fengið heimþrá.
En þegar öllu er á botninn hvolft þá hefur þetta verið goður tími og ótrúleg lífsreynsla. Ég er mjög ánægð með að ég gafst ekki upp þegar vinnan var sem erfiðust í byrjun, heldur fékk pep-up frá fólkinu mínu heima og hélt áfram. Ég veit að ég á sko aldrei eftir að sjá eftir að hafa farið hingað og upplifað þetta allt og ég á örugglega eftir að minnast þessa tíma míns hér með bros á vör í framtíðinni.
Já svona er þetta, er voða mikið búin að vera í svona pælingum undanfarna daga.

Humm látum okkur sjá, annað sem ég hef verið að gera... síðan í síðasta bloggi er ég búin að fara einn dag yfir til Ítalíu í lítinn bæ sem heitir San Remo (sjá myndir á www.picasaweb.google.com/snaedisanna ). Það var gaman að geta bara farið upp í lest og einum og hálfum tíma seinna var ég komin í annað land, lúxus sem við íslendingar erum nú ekki vanir. Samt fannst mér allt í einu kjánalegt að geta ekki talað við fólkið þar sem ég skildi ekki neitt og enskan mín lét sig hverfa þegar ég var að reyna að panta mér mat. En eftir mikið handapat og bendingar fékk ég að borða. Fyndið samt hvað ítalirnir eru öðruvísi en frakkarnir, ég sat á bekk þarna og naut útsýnisins og gamall maður settist bara allt í einu við hliðina á mér og spjallaði heillengi við mig....á ítölsku að sjálfsögðu. Ég skildi nú ekki mikið en þó tókst okkur aðeins að spjalla um daginn og veginn. Fannst þetta bara fyndið þar sem þetta hefur aldrei gerst hér í Frakklandi á 5 mánuðum og svo fer ég einn dag til Ítalíu og þá vilja allir spjalla ;)
Svo var þetta pottþétt einhver perrakall  !!! æi nei fallegri tilhugsun að hann hafi bara verið svona indæll

 Daginn eftir Ítalíu tók ég aftur lest og fór þann daginn til Marseille, en það er önnur stærsta borgin í Frakklandi og víst líka sú önnur hættulegasta í Evrópu
En víkingurinn ég lét það nú ekki hræða mig, tók lestina galvösk og var mætt á svæðið 2 tímum seinna. Það var þá sem ég áttaði mig á því, þar sem ég stóð á stærstu lestarstöð sem ég hef á ævinni séð, í borg þar sem búa 1,5 milljónir manna, að ég hafði ekki hugmynd um hvert ég átti að fara eða hvað ég ætlaði að gera. Eftir að vera búin að prófa að labba út um 4 mismunandi útganga lestarstöðvarinnar ákvað ég að taka bara neðanjarðarlestina á einhvern töff stað. Ég fann nafn á kortinu sem ég kannaðist við úr túristabókinni minni og þangað var haldið. Þakkaði guði fyrir að Irene kenndi mér hvernig metro-ið í París virkar þegar ég var þar því þetta kerfi var eins....sorry nú verð ég að útskýra afhverju ég skrifaði nafnið hennar ef hún les þetta

*Irene, je te dis merci de me montrer comment le metro a paris marche parce que le metro a Marseille a était pareil :* Je t'aime

Anyway, ég fann tourist-information eftir stutta metro ferð og allt reddaðist. Nema ég reyndar villtist feitt í miðbænum og var orðin illa pirruð þegar ég var farin að ganga dimmar götur og ljótir, spúkí karlar, kallandi á eftir mér. Ótrúlegt en satt var það svo svona lítil túristalest sem að bætti skapið eftir að ég var hætt að vera villt. Eitthvað sem ég var sko búin að sverja að ég ætlaði aldrei að gera því þetta væri svo hrikalega lame, þið vitið svona lítil opin lest, full af túristum í sandölum og sokkum og fer svo hægt að hún tefur umferð. En þetta reyndist svo vera auðveld og ódýr lausn til að skoða borgina. Getið séð myndir frá Marseille á myndasíðunni ;)

Á fimmtudaginn síðasta fór ég svo kveðjuferð í CAP3000, en það er risamallið hérna.  Útsölurnar eru nefnilega búnar og núna eru ný föt i öllum búðunum. Það er þá sem ég lendi í vandræðum nefnilega, ekki þegar eru útsölur. Var komin þangað um 2 leytið og fékk mér að borða og já...klukkan 5 ákvað ég að ég yrði bara að fara þarna út til að stoppa mig af. Á leiðinni út bað ég öryggisvörð að setja mig á bannlista, svo að mér yrði ekki framar hleypt þarna inn...úff svakaleg ferð sko....fyrir veskið þ.e. ég skemmti mér konunglega

Um kvöldið fór ég svo á fyrsta djammið mitt á nýju ári. Hún Amie frá Noregi, sem var með mér í skólanum, er nefnilega komin aftur hingað til Antibes og ég fór því á vistina og fór á djammið með krökkunum þar. Var svo bara grand á því og tók taxa heim á hótel eftir á....25 evrur takk fyrir fyrir 10 mínútna bílferð !!! Ég gat spjallað helling við leigubílstjórann á leiðinni heim og verð nú bara að nefna sko að þó ég segi sjálf frá þá er ég bara að verða nokkuð ánægð með frönskuna mína!

En já á fös, var fundur með Contact Europe og var það síðasta skiptið fyrir mig, þar sem ég verð farin þegar næsti fundur er!!! Fórum á skauta í Nice, brjálað fjör og svo kaffihús á eftir. Borðaði svo með þremur þjóðverjum um kvöldið og óvart sagði við þau að mér fyndist þýska ljótt tungumál
Góð Snædís !!!

Vinnan gengur fínt bara, er orðin brjálað góður þjónn ;) heheh allavega betri en þessir letikúkar sem eru að reyna að læra að vera þjónar, ég sver metnaðurinn fer með þá einn daginn - NOT!!
Það er sko eiginlega hægt að segja að það sé hin besta skemmtun að horfa á þennan 16 ára sópa gólfið, hann heldur jú báðum höndum um sópinn en svo sveiflar hann honum bara svona fram og til baka og í hringi. þannig fýkur ruslið undir stólana og hann sér það ekki lengur og voilá....job done !!! Svo er hann alveg hissa þegar manneskjan sem skúrar gólfið á eftir kvartar yfir að það sé illa sópað hjá honum (oftast ég )
Einnig er hin besta skemmtun að plata þessar elskur til að tala ensku. Einn þeirra var svaka kúl við kvöldmatarborðið í kvöld þegar hann bað mig að rétta sér grænmetið á ensku! það var borðið fram einhvern vegin svona ~ vegjétabeles ~ ég ætlaði að sjálfsögðu aldrei að hætta að hlægja, það láku tár og allt og að launum fékk ég vegjétabeles upp í eyrun

Annað gott enskudæmi: Um daginn spurði einn þeirra hvort að mér fyndist ekki Alicia Keis góð söngkona...Ekki Keys...nei Keis...!!!!
Það versta við hann reyndar er að hann tekur engum sönsum þegar ég góðlátlega reyni að leiðrétta. Sami drengur hefur nefnilega áður haldið fram að Víetnam sé við hliðina á Brasilíu og að Kína sé í norður-Ameríku. Ég í góðmennsku minni reyni að leiðrétta hann en Nei, ég er bara vitlaus og þegar ég gafst upp á að vera góðlátleg og sýndi honum heimskort til að rökstyðja mig þá er það bara vitlaust og það hefur gleymst að merkja víetnam inn á það !!!!
Já þeir eru frábærir þessir Frakkar.

Jæja ætla að fara að hætta að gera grín að þessum ljúflingum og fara að smella mér inn í draumaheiminn. Byrjaði nefnilega að vinna um hádegi alla síðustu viku og var orðin bara vön því svo að vakna klukkan 8 alla daga þessa viku er alveg að fara með mig ! Svo mér veitir ekki af að fara að sofa.

Hafið það gott elskurnar og við sjáumst einhver eftir 3 vikur, hinir á djamminu 29. mars  Ekki langt í það  hehe ó já og ein spurnig til ykkar svona í lokin....

Eru mörgæsir á norðurpólnum ???

 Bonne nuit mes chéries

Snædís
 

Síðustu vikur hafa verið frekar rólegar og tilbreytingarlausar. 
Frídagarnir hafa farið í rölt í Cannes eða Nice, bíóferðir og jú svo fór ég upp í fjöllin hérna í kring á fimmtudaginn síðasta. Ég var búin að sjá svo marga bæklinga um þennan fjallabæ, að þetta væri einhver algjör fjallaparadís svo ég ákvað að drífa mig. Leitaði lengi en fann að lokum viljastyrkinn til að vakna klukkan 7 um morguninn, tók 1 strætó og 2 lestar og 4 tímum eftir að ég vaknaði var ég komin á leiðarenda. Það er skemmst frá því að segja að þessi bær var minni en Grenivík og það var ekkert að gera þarna...eftir hálftíma var ég búin að taka nóg af myndum af fjöllunum og svona því jú, útsýnið og náttúran var mjög flott. En já ekki lengi gert að skoða þennan bæ...Endaði  með að taka lestina til baka til Nice og fór þar í bíó á Ástrík og Steinrík...skemmti mér konunglega og hló mikið,  mæli sko eindregið með þessari mynd.

Svo gerðust þau undur og stórmerki á föstudaginn að ég safnaði upp hugrekki og dreif mig í klippingu. Hef verið frekar hikandi við það sökum þess að ég var hrædd um að ég gæti ekki gert mig skiljanlega og þá yrði hárið litað fjólublátt og svo er ég líka bara búin að sjá svo mikið af konum hér í Antibes með HRÆÐILEGAR hárgreiðslur...en svo ákvað ég á föstudaginn að þetta gengi ekki lengur..og það kom í ljós að þessi hræðsla mín var algjörlega ónauðsynleg.
Strípurnar  tókust bara vel og klippingin..ja ég hef ekki verið með svona stutt hár í mörg ár en er samt bara ánægð með þetta....fegin að losna við lubbann...

LUBBI !!!

Búið klippa lubbann..."smá" breyting !!

 Annars er ekki mikið annað í fréttum...í dag eru akkúrat 5 vikur í að ég hitti familíuna í Reykjavík og fari með þeim í sólina á Dóminíska lýðveldinu í 10 daga...svo er það bara Ísland og ljúfa lífið...
Held að ég sé farin að hlakka of mikið til....en það er nú bara þannig að lífið hér er orðið svo mikill vani og ég held að ég sé að verða komin með ógeð á að vera ein með sjálfri mér ehehe
Svo það verður æði að koma heim og byrja í nýrri vinnu og geta böggað vinkonurnar ef að mig vantar eitthvað að gera ;) Búin að vara þær við að ég verði örugglega mjög uppáþrengjandi þegar ég kem heim. ;)

Veðurfréttir: í dag er heiðskírt og 18° hiti!! Samt finnst mér ekkert rosalega heitt og ef maður er í skugga þá er bara kalt!!
Liður ykkur ekki betur með skaflana ykkar þarna heima þegar ég segi að mér sé kalt í 18 gráðum

Jæja hef ekkert meira að segja...er búin að láta vita að ég er á lífi en eins og ég segi þá geri ég ráð fyrir að næstu 5 vikurnar verði frekar rólegar og komi aðallega til með að snúast um að hlakka til að koma HEIM !!!

Oki þetta er orðið gott...stutt blogg svona til tilbreytingar :P

Adios

 ~ Snædís Anna ~

Ps.  ég og þolinmæðin mín gáfumst upp á myndaalbúminu á þessari síðu svo ég bjó til nýtt og það er kominn tengill inn á þá síðu hér til hliðar... endilega kíkkið, afgangurinn af parísarmyndunum er að hlaðast inn og hver veit nema ég smelli inn nokkrum myndum frá jólunum ;)

Hmm gleymdi ég að minnast á það í síðasta bloggi að það var bæði
fyrsta og síðasta bloggið á nýja árinu

 Landsleikir frá EM í handbolta eru aðeins aðgengilegir innanlands vegna réttindamála á útsendingum.

AAAARRRGGG!!!! 
 Já þar með var draumurinn úti....jesús hvað ég var reið.
Aumingja Eva Dís slysaðist inná msn og fékk alveg reiðigusuna yfir sig...sorry krúsin mín...hún hélt held ég að það væri eitthvað alvarlegt að og var bara fegin þegar hún áttaði sig á því að það var bara handbolti.
Reyndar bætti það skap mitt ekki þar sem að þetta var að sjálfsögðu gravalvarlegt vandamál
að mínu mati.
Svo verð ég að vinna þegar leikurinn er í kvöld svo að ég get ekki einu sinni fylgst með "beinu SKRIFUÐU lýsingunni"  á mbl.is
Jæja á ég að hætta að tala um handbolta eða....

Það er ekki neitt að frétta heheh
Er búin að ákveða hvernig ég breyti flugunum mínum og á þá bara eftir að bóka. Það verður reyndar ekki gert fyrr en samtökunum þóknast að borga mér styrkinn minn
Allavega lendi á klakanum 15. mars um 4 leytið seinnipartinn og þar ætlar hún Halldóra frænka að bíða eftir mér. Hún lendir sjálf í Keflavík 2 klukkutímum fyrr en ég og svo ætlum við að redda okkur gistingu saman. Ég ákvað að það væri miklu betra að fljúga á laugardeginum og geta sofið almennilega og svona áður en maður heldur út í sólina með familíunni.
Á mánudeginu 17. mars er það svo bara sólin og blíða...djíísús hvað ég hlakka til. Ætla sko bara að liggja á ströndinni og gera sem minnst...kannski kíkja í mallið sem er víst við hliðina

Jamm eins og ég segi er ekki mikið í fréttum, það er búin að vera rigning hér síðan ég veit ekki hvenær....hélt að ég myndi drukkna á mánudaginn síðasta, en nú er aftur kominn sól og blíða og stefnir í að það haldist eitthvað þannig.

En já á mánudaginn átti ég frí og uhum...já uuu fór "pínu" á útsölur
Það voru hins vegar engir strætóar þar sem að núna er strætóbílstjórarnir alltaf í verkfalli á mánudögum...Frakkar eru án efa verkfallsglöðustu menn í heiminum. Ég hins vegar neitaði að láta verkfallið eyðileggja fyrir mér að fara á útsölur svo ég bara labbaði niður í bæ í rigningunni og tók svo lest í mallið. Um kvöldið þegar ég kom til baka þá var svo mikil rigning að ég bjóst bara við því þá og þegar að regnhlífin mín myndi gefa sig. En þetta hafðist allt á endanum og ég komst heim með alla pokana

Já svo verð ég nú að segja frá þessu svona í framhaldi af siðasta bloggi þegar ég var að reyna að finna einhvern frægan íslending sem þessir lúðar hérna á hótelinu þekktu. Allavega þá kemur einn þeirra til mín í gær þegar hann mætti í vinnuna og segir þvílíkt glottandi...
"ég er búinn að finna íslending sem ég þekki"
Ég varð náttúrlega bara ofsaglöð og alveg nú hvern??
"Fíísjer" sagð'ann þá enn meira glottandi
Hmm ég var nú ekki alveg að átta mig á þessu íslenska nafni fyrr og horfði bara á manninn spurnaraugum....
"Hann er frægur skákmeistari"
Piff já Bobby Fisher, það er nú ekki hægt að kalla hann Íslending sagði ég frekar móðguð.
Það hafði þá komið í frönsku fréttirnar að Bobby greyið Fisher væri dáinn og það hefur greinilega eitthvað verið minnst á að Ísland líka...
já við Íslendingar erum greinilega alveg að fara að taka yfir heiminn..það er alveg ljóst

Jæja ætla að fara að slá botninn í þetta. Það kemur svo í ljós annað kvöld hvort að það var gáfulegt hjá mér að auglýsa að Frakkland og Ísland væru að keppa á morgun. Vona að ég verðir ekki niðurlægð og þurfi að kaupa Mcdonald's ofan í þjónana eins og veðmálið segir

Nei auðvitað verður það ekki þannig Ísland rústar þessu.... maður verður nú að vera bjartsýnn eins og íslendingum sæmir ha.....koma sér í æfingu fyrir Eurovisionbjartsýnina

Þá er að koma með fyrsta bloggið á nýja árinu.
Að sjálfsögðu byrja ég þá á að segja Gleðilegt nýtt ár þið öll og takk kærlega fyrir ótalmargar skemmtilegar stundir á gamla árinu

Svo þakka ég líka kærlega fyrir allar þær fallegu gjafir og jólakort sem ég fékk frá ykkur heima. Mér hefur án efa aldrei fundist eins gaman að fá jólakort eins og þessi jól :)

Svona til að segja svo aðeins frá jólunum okkar Steina þetta árið þá voru þau vægast sagt frábrugðin því sem að maður er vanur! Steini kom á föstudeginum 21. des og um þá helgi fórum við svo í mallið í Nice og Steingrímur verslaði frá sér allt vit....reyndar var það nauðsynlegt þar sem að hann gat einungis komið með takmakað magn af fötum með sér því að taskan hans var full af jólagjöfum frá hinum og þessum hehe

Síðan var ég nú bara að vinna flesta dagana og Steini stundaði letilífið grimmt á meðan...
Á aðfangadag var ég reyndar í frí og þá fórum við og versluðum okkur í jólamatinn.
Við borðuðum svo uppá herbergi og ég held að ég verði bara að setja inn mynd af "matarborðinu" okkar við tækifæri. Á matseðlinum var kampavín, jarðaber og súkkulaði, ostar og kex og vínber...og já mandarínur !!! Við átum okkur ágætlega södd af þessu, spjölluðum svo aðeins við mömmu og pabba á skype og horfðum svo á mynd!!!
Þetta var semsagt mjög frábrugðið venjulegu aðfangadagskvöldi en samt sem áður bara mjög kósý og skemmtilegt.
Restin af tímanum var svo svipuð...ég að vinna og þegar ég var ekki að vinna fórum við í bæinn, eitt skipti til Mónako og svo nokkrum sinnum út að borða.
Annars voru það bara afslöppun og rólegheit sem voru við völd.
Steini fór svo heim í gær og ég get ekki sagt að það hafi verið beint skemmtileg ferð á flugvöllinn...en ég hugga mig við það að það eru bara 10 vikur í að ég fari þangað aftur og það verður sko skemmtileg ferð hehe

Annars er ekki mikið nýtt að frétta. Ég er bara farin að setja mig í stellingar fyrir EM í handbolta og hitaði upp í gær með þvi að horfa á Ísland - Danmörk...svekkjandi tap þar enda er alltaf verst að tapa fyrir helvítis Dönunum
Ég komst líka að þvi að Ísland og Frakkland verða saman í riðli á mótinu svo að þann 20. janúar þegar sá leikur fer fram þá kem ég annað hvort til með að vera ofuránægð og nudda samstarfsmönnum mínum óspart upp úr því að hafa tapað fyrir litla Íslandi eða þá ég verð illa brjáluð, kem líklega til með að neita að þjóna Frökkum og hætti að tala frönsku .... svo þetta er vægast sagt spennandi

Þetta var einmitt til umræðu í kvöldmatnum í gær og þeir hlógu bara að mér þegar ég sagði að það væri nú alveg mögulegt að við myndum vinna...við hefðum nú einu sinni unnið þá á HM í fyrra. Þá fékk ég bara
"bíddu bíddu vinan, Frakkar eru núverandi evrópumeistar plús það að Frakkland er stórt....Ísland er PÍNUlítið og ég meina hver veit einu sinni hvað það er....nefnu okkur eina fræga manneskju frá Íslandi" ??
Ég byrjaði á Björk....jaaa nei það kveikti ekki á neinum perum meira að segja þó ég lýsti svanakjólnum og allt... þá reyndi ég Sigurrós en þeim fannst það svo fyndið orð að rökin mín voru kæfð með hlátri. Þá datt mér bara enginn annar í  hug fyrr en jú allt í einu heyrðu jú einn sem þið þekkið pottþétt...Eiður Smári...!!!
Já það virkaði...þeir þekktu hann og hlógu ekki að mér...í staðinn þögðu þeir og svo kom ..
" þú ert að ljúga...hann er sænskur" !!!
Þar með var það útrætt
Ég var samt ekki alveg á því að gefast upp og kom með þjóðremburökin að það byggju sko 60 milljónir manna í Frakklandi en á Íslandi byggju bara 300.000 og samt væri okkar handboltalandslið eitt af þeim bestu í heimi.... þá fékk ég bara "
jájá og í hvaða sæti á heimslistanum er fótboltalandsliðið ykkar".....
Þá var endanlega þaggað niður í mér !!

Já svo verð ég náttúrlega að nefna að Frakkland er orðið reyklaust land!!!
Jább þann 1.janúar 2008 tók gildi samskonar reykingarbann eins og er heima á Íslandi og fyrir mig þá er þetta alveg frábært. Ég þarf ekki lengur að þjóna fólki í reykingarsalnum því hann er ekki til lengur...bara vinsamlegast farðu út góði. Og svo mega hinir þjónarnir ekki heldur reykja inni í pásum svo að meðan þeir fara út í rigninguna (það er búin að vera rigning hérna í svona 2 vikur með smá pásum) þá stend ég inni í hlýjunni og hlæ að þeim

Ég er svo orðin ein í herbergi núna þar sem Brasilía (Elisa herbergisfélaginn minn) er farin heim. 21 tíma ferðalag fyrir hana takk fyrir pent!
Reyndar finnst mér bara ágætt að vera ein í herbergi. Er búin að hafa herbergisfélaga síðustu 4 mánuði svo að þetta er bara fín tilbreyting.
Ég hef ekkert frétt ennþá um hvort að það kemur einhver í herbergið þ.e. einhver annar í svona program en ég er eiginlega bara að vona ekki. Reyndar tókst skeppnunum sem vinna með mér að hræða mig laglega þegar þeir sögðu að það væri að koma þýskur strákur!!!! Ég var ekki alveg að fíla tilhugsunina um að þurfa að deila herbergi með ókunnugum strák

Jæja ég held að ég hafi ekkert meira að segja í bili...
endilega skiljð eftir ykkur spor...

A bientot... Snædís Anna

Er engan vegin að átta mig á því að það séu að koma jól. Enda kannski ekki skrýtið því að ég hef alveg sleppt því að  taka þátt í jólabrjálæðinu sem yfirtekur fólk í desember og ef maður sleppir því alveg þá bara fer það fram hjá manni að jólin séu að koma.

Það er eiginlega ekkert að frétta hjá mér þannig séð.. er bara búin að vera að vinna og vinna, man ekki einu sinni hvað ég gerði á síðasta frídeginum mínum það var líklega svo ómerkilegt.
En á morgun kemur Steini hingað til mín og þá fer maður nú að nota tímann í að gera eitthvað af viti.

Úff ég er alveg innilega ekki að nenna að skrifa neitt hehe

ójá ég ætti kannski að útskýra afhverju fyrirsögnin er "heimkomu frestað" tíhí..
Já upphaflega planið var að ég kæmi heim þann 19. mars en nú ég sko aldeilis búið að breyta planinu.. ég kem til með að fara burt frá Frakklandi þann 16. mars og já bíddu það er ekki frestun á heimkomu heldur flýting.... en nei nei gott fólk ég er svo svakalega grand á þessu að ég fer í aðra utanlandsferð strax um morguninn 17. mars..!!!!!

Ójá... haldiði að mín ætli ekki bara að skella sér með familíunni til Dóminíska lýðveldisins í 10 daga áður en verður komið heim í snjóinn á Akureyrinni...
Fer með mömmu og pabba og strákunum, Óu og Jóni og tvíbbunum og ömmu gömlu :)
Og vonandi komast svo Halldóra og Þórhalla meðl íka og þá getum við farið á djammið á kvöldin ...
Vá hvað ég hlakka til þetta verður hrikalega gaman :D:D

óóójáá verður ekki slæmt að sóla sig þarna um páskana :D

Jæja ég nenni eiginlega ekki að skrifa meira ... skelli kannski inn jólabloggi einhvern tíman yfir hátíðarnar... annars segi ég bara

 Gleðileg jól allir, hafið það gott yfir hátíðarnar og njótið þess að vera í faðmi fjölskyldunnar...
Hlakka til að sjá ykkur öll á nýja árinu

kiss og knús..

Snædís Anna

Ég gerðist svo djörf á laugardaginn að skella mér í  bíó, alein og sorgleg og fór á nýju Disneymyndina Il était une fois....eða Enchanted á enskunni. Ég ákvað að vera ekkert að reyna að fara á einhverja þunga og dramatíska mynd þar sem að ég myndi pottþétt ekki skilja nóg og örugglega sofna líka. Maður getur allavega alltaf verið öruggur með það að Disneymyndirnar enda vel..alveg sama á hvaða tungumáli maður horfir á þær ;)
Mér gekk allavega bara ágætlega að skilja hana og gat hlegið að bröndurum og svoleiðis þannig að ég var nokkuð sátt með sjálfa mig bara. Er meira að segja að íhuga að fara í bíó um næstu helgi líka og fara þá á Bee movie....ætla bara að halda mig við teiknimyndirnar í bili heheh

Eftir bíóið fór ég upp á vist til að hitta alla krakkana og heyra hvað planið fyrir kvöldið væri, það var að sjálfsögðu að fara á djammið svo að ég ákvað að drífa mig heim á hótel og ná í djammgallann og ópalflöskuna góðu. Verð samt að segja frá hverju ég lenti á leiðinni að strætóskýlinu....

Ég var semsagt að rölta að strætóskýlinu til að taka strætó heim á hótel. Kvöldið var framundan og lofaði góðu svo að ég var í helvíti góðum fíling þar sem ég rölti eftir strandgötunni, raulandi íslensk jólalög með ipodinum mínum. Ég var nú ekkert að flýta mér þar sem að strætóarnir í Frakklandi eru alltaf 10 - 15 mínútum of seinir svo ég naut bara útsýnisins. Klukkan var rétt að verða 5 svo að sólin var að setjast, var svona alveg við sjóndeildarhringinn og sjórinn alveg lygn. Það sat betlari á stól og var að spila á harmonikku og gömul og krúttleg hjón leyddust eftir ströndinni.... mér fannst þetta eitthvað svo friðsælt og fallegt augnablik og hugsaði með mér að það yrði nú bara ekki svo slæmt að eyða jólunum hér........SPLASH.....ég steig í hundaskít!!!!!
Já gott fólk svona er Frakkland !!!

Kvöldið stóð svo vel undir væntingum. fórum hópur saman á Ástalskan bar þar sem ein af norsku stelpunum er farin að vinna! Ég veit svo ekki hvort að það er það að ég sé að verða svona gömul eða hvað en ég skemmti mér allavega konunglega bara við það að sitja og spjalla, drekka kokteila og hlægja með fólkinu. Svo var náttúrlega líka fyndið þegar fólk var að smakka ópalið góða...dómarnir eru að við séum rugluð að vera að drekka eitthvað sem bragðast eins og allt of sterkt hóstasaft !!
Hér er Zac að smakka Ópalið....

Ekki beint hrifinn af þessari uppgötvun íslendinga!!

Jæja eftir Ástralaska barinn var ferðinni heitið á hommabar í nágrenninu....stelpurnar voru nefnilega búnar að komast að því að þar væri langbesta tónlistin og þar þarf ekkert að hafa áhyggjur af einhverjum of ágengum strákum. Ekki skemmdi heldur fyrir hvað strákarnir sem voru með okkur voru dauðhræddir og ég hló mig máttlausa að Zac þegar hann var að reyna að safna hugrekki í að fara á klósettið !!! ahaha
Jæja allavega ég entist nú ekki lengi þarna þar sem tónlistin var ekki góð þetta kvöldið.

Þegar ég vaknaði 9 morguninn eftir var svo MÍGANDI rigning úti og ég var alveg brjáluð þar sem að ég sá fyrir mér að þurfa að eyða frídeginum mínum í að hanga inni og gera ekkert.
En það stytti fljótlega upp svo að dagsplanið okkar klikkaði ekki en það var að fara til Monaco. Svo um 1 leytið vorum ég, Johanna  (sænsk) og Zac mætt til Monaco, Björn komst ekki sökum mikillar þynnku ;)

Í Monaco eru þeir svo "pínu" svona grand'á öllu. Þar var búið að setja upp jólaþorp, fuuult af litlum húsum þar sem er verið að selja sætabrauð og jóladót...Eva Dís mín hefði misst sig þarna! Svo eru þeir með vélar til að gera gervisnjó og krakkarnir geta farið á litla snjósleða, skíði og brekkurnar eru alveg 30 cm eða eitthvað. Og mesta skemmtunin nattúrlega að læra að þekkja spor eftir mismunandi dýr í snjónum. Get ekki fyrir nokkra muni séð hvernig sú vitneskja kemur nokkurn tíman til með að koma frönskum börnum að gagni!!!

Allavega þegar við Johanna vorum búnar að jafna okkur á hláturskastinu sem við tókum þegar við sáum "snjóinn" þá nutum við þessa bara í botn, borðuðum sætabrauð, fórum í parísarhjólið og síðast en ekki síst þá fórum ég og Zac á skauta!! Já þeir eru sko búnir að breyta sundlauginni við höfnina í skautasvell...
Síðan voru jólaskreytingarnar í Monaco náttúrlega bara geðveikar, Tréið á torginu þar er aðeins flottara en ljótadiskótréið á torginu í Anitbes, ég tala nú ekki um þessi ógeðslegu sem að eru myndir af í síðasta bloggi....

ég með jólatrjánum og "snjónum í Monaco

Snjósleðar fyrir börnin...Zac langaði mikið að fara
enda aldrei farið á snjósleða greyið!!

Börnin á "skíðum" ahahha ooo ég er svo vond !!

Þeir gera hlutina flott í Monaco sko !!

Varð bara að taka mynd af því hvað bílnúmerin í
Monaco er kúl...geggjað stutt og auðveld heheh

Bíllinn sem ég var að kaupa mér hérna úti,
æ þið vitið var bara orðin pirruð á að taka alltaf
strætó svo ég splæsti bara í einn svona....
I wish heheh

Jólaskreytingarnar utan á Casinoinu ...bara flottar sko

 
Og þetta er það sem maður kallar flott jólatré
Það þarf greinilega að senda Frakka á skreytinga-
námskeið til Monaco...

Jæja ætla að hætta þessu...það er kominn smá skammtur af Parísarmyndum...myndir frá Louvre og einhverjar frá Disneylandi...

Ég er allavega farin að lúlla...Bon nuit tout le monde

Já ég er byrjuð að skrifa á jólakort, kannski frekar snemma í þessu, en hei, þetta verður eini jólaundirbúningurinn minn, ekki skreyti ég eða baka eða geri laufabrauð, svo ég ætla bara að dunda mér leeengi við jólakortin !

Annars ætla ég nú bara að þakka fyrir skemmtileg komment á síðasta blogg. Alltaf gaman að "heyra" svona smá í ykkur öllum heima. Og já Halldóra, rússíbaninn er enn í Disneylandi og komnir nýjir líka.....og ég fór i þá alla !! heheh

Svo á hún elsku mamma mín afmæli í dag, 21 árs kellan...nei bíddu það gengur ekki alveg þegar hún á tvítuga dóttur....Jæja þá rétt rúmlega 21 þá
Til hamingju með daginn mamma mín!

Annars er svosem ekki mikið að frétta héðan, ég er bara að vinna og vinna. Fékk bara einn frídag í síðustu viku svo að þá var ég að vinna 57 tíma þá vikuna en í samningnum mínum stendur að ég eigi að vinna 39 tíma á viku!! Já karlinn skal sko fá að borga, ég er með þetta allt skráð niður og hann á eftir að vera hissa þegar ég heimta það sem hann skuldar mér! Held nú samt að hann komi til með að borga því ekki vill hann að ég fari að segja við Contact Europe, (ég er hér á vegum þeirra) að hann láti okkur útlendingana vinna of mikið og borgi svo ekki fyrir það. Það er nefnilega dáltið mikið ódýrara fyrir hótelið að vera alltaf með 2 svona útlendinga í vinnu og þurfa ekki að borga þeim nema 200 evrur á mánuði í staðinn fyrir að vera með þjóna á fullum launum.

Já svo er ég búin að fá Parísarmyndirnar sendar frá EvuDís (takk fyrir það sæta) og er að vinna í að setja þær inn...þær eru svo óhugnalega margar að ég verð að velja úr og svo tekur of langan tíma að hlaða þessu inn fyrir svona "þolinmóða" manneskju eins og mig svo að ég geri þetta i köflum.

Annars langar mig óhugnalega í snjó núna. Mér finnst eitthvað svo skrýtið að vera hér og það er 17 - 18 gráðu hiti, (Frakkarnir náttúrlega að frjósa í hel) og sól alla daga. Í mínum huga er bara júní eða eitthvað.
Svo finnst mér líka bara skrýtið að hugsa til þess að þetta fólk sem býr hér er bara vant því að veðurfarið sé svona um jólin. Ég veit ekki með ykkur en persónulega þá er ég bara ánægð með að eiga uppruna minn í landi þar sem snjóar um jólin + nokkra mánuði í viðbót
Það er miklu meiri stemning að hafa snjó heldur en sól og sand. ég meina það eru pottþétt takmörk fyrir því hvað er hægt að leika sér mikið að sandi en með snjóinn eru endalausir möguleikar.
Ég t.d. setti bara upp vorkunarsvip þegar Brasilíski herbergisfélagi minn sagði að hún hefði aldrei séð snjó á ævi sinni.
Ég bara "æi greyið hún" ! Aldrei farið í snjóstríð, gert snjókarl eða snjóhús eða snjóengla. Aldrei rennt sér á snjóþotu eða sleða, eða farið á snjósleða ! Sorglegt ekki satt.

Einu sinni gerðum við snjókarl sem að var örugglega 2 metrar á hæð, með pabba hjálp reyndar. Tókum mynd með honum, fórum svo inn og þegar við kíktum út um gluggann 5 mínútum seinna var hann hruninn...
Og svo hefur maður gert milljón snjóhús um ævina enda myndast yfirleitt alltaf upplagðir skaflar til snjóhúsagerðar bak við hús heima.
Jeminn og ruðningar í gamla daga, heilu fjöllin af snjó sem að var hægt að leika sér endalaust í.

Er það bara ég að sakna snjósins of mikið eða eru ekki lengur svona stórir og flottir ruðningar. Mér finnst undanfarnir vetur bara hafa einkennst af slabbi. Og eins mikið og mér finnst snjórinn skemmtilegur þá hata ég slabb. Má ég þá frekar velja frönsku 17 gráðurnar og auðar götur!!

úff, verðið að fyrirgefa, hellist bara yfirmann svo mikil nostalgía þegar maður er bara einn með hugsunum sínum í desember...svo mikið af skemmtilegum minningum tengdum desember.

Jæja ætla svosem ekki að hafa þetta mikið lengra, þið verið svo bara að bíða þolinmóð eftir að allt albúmið með parísarmyndum hlaðist inn !
Svo tók ég reyndar líka myndir af jólatréinu hérna á veitingastaðnum.....

 Fallegt eða hvað ...  Ég hélt að þetta tré væi nú svona með þeim ljótari sem að maður sér...nei svo fór ég í mallið sem að er rétt hjá Nice á laugardaginn og ég fann þar jólatré sem lætur þetta tré líta virkilega vel út....

Það er eins og skrautið hafi fokið á tréið og sé bara fast þar, ég átti bara ekki orð þegar ég sá þetta heheh

set svo inn eina af mér að lokum, varð nefnilega fyrir smá árás á sunnudaginn...skil ekki hvað þetta er með mig og að vera alltaf að lenda í einhverju svona þar sem ég vinn... í húsasmiðjunni var mér ósjaldan hent í heita pottinn, kar fullt af köldu vatni eða sprautað á mig rjóma....ég bara botna ekkert í þessu, ég meina það er ekki eins og ég sé eitthvað stríðin eða hafi kannski átt þetta skilið....neheits....er alltaf stillt og góð :P
Allavega svona leit ég út eftir árásina....

Þetta er súkkulaði ef einhver er að spá í því.

 Jæja þarf að mæta í vinnuna, see you later people....

Snædís Anna

Jæja það er víst ekki hægt að láta þessa Parísarfærslu standa að eilífu...hmm hvað skal segja

Síðustu daga hef ég skemmt mér mikið við að hlægja að Frökkum. Það finnst mér mjög gaman að geta, þar sem venjulega eru það þeir sem hlægja að mér, litlu vitlausu ljóshærðu þjónustustúlkunni sem skilur ekki neitt! En núna er það ég sem hlæ...reyndar ekki framan í andlitið á þeim og þeim er örugglega alveg sama...anyway ég semsagt hlæ að Frökkunum sem labba um úti með svona "Brrrr það er svo kalt" svip, með trefla í úlpum og virðast þjást ægilega í þessum kulda. Á meðan fer ég út á þunnum jakka, en samt bara í jakkanum af því að það gæti verið köld loftkæling í búðinni sem ég er að fara í.... það er nefnilega 19° hiti, heiðskírt og sólskin  Reyndar er svosem ekki eins heitt í 19° hér eins og heima útaf rakanum í loftinu en kommon...það er ekki SVONA kalt ;) Skrýtnir þessir Frakkar.

Annars er ég voða mikið með hugann við jólin þessa dagana. Það var verið að skreyta veitingastaðinn t.d. Eða einn af strákunum og yfirmaðurinn voru að skreyta....jesús það á ekki að hleypa karlmönnum í jólaskraut...nema þá bara í útiseríur og þá þurfa þeir samt að vera undir ströngu eftirliti!! Ég held að það sem henni Karen varð að orði fyrir 2 árum síðan þegar við vorum að taka upp jólaskraut í Húsasmiðjunni, sé besta lýsingin á hvernig veitingastaðurinn lítur út núna. "Jesús það er eins og hafi sprungið dragdrottning hérna ofan í" (þetta sagði Karen þegar henni varð litið ofan í einn af kössunum )
Já það er svo sannarlega eins og það hafi sprungið extra glysgjörn dragdrottning yfir allan veitingastaðinn. Jólatréð er t.d. allt í gullri og silfri, hlaðið svona ææææii man ekki hvað það heitir, drasli sem er eins og treflar, heheh loðið þið vitið, til í öllum litum og súperglansandi. jájá þið fattið. Allavega tréð hlaðið svoleiðis í gullri og silfri og svo fannst yfirmanninum nú vanta eitthvað rautt í þetta...þá bara skelltu þeir 3 rauðum stórum slaufum á líka.

Svo er þetta loðna ógeð út um allan veitinastaðinn, maður fær ofbirtu í augun af þessu og mér fannst nú alveg nóg af þessu...nei nei fór ekki kallinn og keypti meira í dag....og það líka extra stórt og extra glansandi. Karen þú myndir fá áfall ef þú myndir sjá þetta ;)
Ég hef allavega ákveðið að brosa bara og þegja þegar þeir spurja mig álits, ef ég fer að segja eitthvað þá spring ég og ríf þetta allt niður.
Ég er nefnilega svo gammeldags í svona jólaskreytingum. Vil bara hafa hlutina smekklega og ekki of mikið, veit ekkert ljótara en garða sem eru hlaðnir jólaseríum í öllum litum, alls konar gerðum og út um allt bara.... ojbjakk sko !!
Hmm jæja al

Hmm jæja annars var ég líka að hugsa um hvernig jólin mín verða núna. Sko aldeilis ekki neitt í líkingu við það sem þau hafa verið. Engar fjölskylduhefðir þetta árið...
Afhverju ætli það sé okkur samt svona mikilvægt að hafa svona hefðir á jólunum....ég meina ég þekki ekki neinn sem gerir alltaf eithvað nýtt og öðruvísi á hverjum jólum...endilega gefðu þig fram ef þú ert þarna!
Ekki það að mér finnst ekkert hræðilegt að þessi jól verði öðruvísi en áður, ég verð allavega ekki ein og ég veit líka að hefðirnir verða pottþétt ennþá til staðar næstu jól sem ég upplifi á Íslandi.
Alltaf Hamborgarhryggur, brúnaðar kartöflur, Valdorfssalat (er það skrifað svona?), piparostasósa og laufabrauð, jú og rósakál sem ég skil aldrei afhverju mamma þrjóskast við að hafa, getur ekki verið að henni finnist það í alvöru gott.
Mamma hefur jólamessuna á í útvarpinu meðan við borðum og svo verða allir að þegja þegar uppáhaldsjólalagið hennar er spilað...úbbs ég man ekki hvað það heitir.
Alltaf borðar pabbi lengst en hann hefur nú reyndar fengið aðeins meiri frið við það á síðustu árum með vaxandi aldri okkar systkina. Svo pakkaopnun en dramatíkin þar hefur líka farið minnkandi með aldrinum.... Bræður mínir voru samt frábær skemmtun við þetta þegar þeir voru "minni".
Svo fara allir til ömmu og afa og borða meira þvi auðvitað er maður alltaf að sálast úr hungri eftir pakkaopnun

Já ég elska jólafríið....liggja í leti, borða góðan mat, lesa bækur, og njóta þess að slaka á eftir jólaösina. Öll MA-árin mín ætlaði ég að sjálfsögðu að læra rosa mikið í jólafríinu....4 ár og 4 jólafrí og aldrei varð þessi lærdómur að veruleika...hmm hefði kannski betur gert það
Jólaboð, fara í sveitina milli jóla og nýárs og hitta alla þar, og í gamla daga var nú líka alltaf farið á hið stórskemmtilega barnaball í Skjólbrekku...uppáhaldið mitt var alltaf að marsera... Svo stóð nammipokinn nú líka alltaf fyrir sínu. Freysteinn bróðir var farinn að svindla og fá tvo poka áður en hann fékk hár....til mynd því til sönnunar!!! 

Af öllu því sem ég hef sagt fólki um Ísland þá er það alltaf það sama sem vekur mesta undrun og flestar spurningar...Það er þetta með jólasveinana.... Og allir eru sko sammála um það að þetta hljóti að vera miklu betra skipulag þar sem við græðum þarna 13 gjafir.
Ég man þegar ég komst að sannleikanum um jólasveinana, man ekki hvað ég var gömul en ég man að ég var ekki sofnuð þegar mamma kom inn.....svekkelsi það
Uppáhaldsjólasveininn minn var Hurðaskellir, veit ekki afhverju eiginlega! Jú ég held að það sé af því að það voru ALLTAF sömu þrír jólasveinarnir sem voru á torginu þegar var kveikt á stóra jólatréinu, Gluggagægir, minnir mig, Kjötkrókur og svo Hurðaskellir....og Hurðaskellir var alltaf svo hrikalega hress og fyndinn.....ætli séu ennþá sömu jólasveinarnir, maður er orðinn svo gamall og virðulegur að ég hef ekki farið á þessa samkomu síðustu ár.

SVo má ég nú ekki gleyma að segja frá nýjustu hefðinni hjá okkur í Bakkasíðunni...og auðvitað þeirri skemmtilegustu...eða það má reyndar deila um hvort hún er skemmtileg. Já nefnilega síðstu 2 ár, klukkan svona kortér - tuttugu mínútur í sex á aðfangadag þá slær út!!! Og ekki í rafmagnstöflunni hjá okkur..nei nei Norðurorka bara "cuttar" á einhver nokkur hús.... bara "of mikil rafmagnsnotkun hjá ykkur..." hehe nei nei eitthvað bilerí þarna á ferðinni og í bæði skiptin kom rafmagnið aftur uppúr 6...þetta var samt pínu fyndið fyrra árið en seinna árið verð égnú að viðurkenna að ég hélt að pabbi eða strákarnir væru að gera grín í mér!!
Þið verðið að láta mig vita hvort þið fáið að hafa rafmagn þessi jólin

Já jólin mín verða svo sannarlega öðruvísi í ár, en það koma alltaf önnur íslensk jól það veit ég fyrir víst. Svo fer nú líka bara að koma að því að maður búi til sínar eigin jólahefðir....maturinn á allavega eftir að breytast eitthvað held ég ...... það kemur samt ekki til greina að ég borði gæs á aðfangadag Steingrímur!!!  Hehe

jæja ætli þetta sé ekki orðið ágætt af jólahugleiðingum og minningum. Annars eru minningarnar óteljandi svo að ég gæti haldið endalaust áfram en ég ætla ekki að gera ykkur það lömbin mín.

Vonandi koma svo inn myndir frá París í næstu viku og núna er ég búin að setja inn myndir síðan 11. nov en þá fór ég að skoða rosa flotta villu...

enda þetta á einni góðri síðan í Disneylandi, stal þessari frá Irene...

 Þangað til næst...

Snædís Anna

í byrjun leit nú út fyrir að Parísarbúar vildu bara ekkert fá okkur Evu Dís í heimsókn til sín...
þeir bæði fóru í verkfall og spáðu því að það yrði rigning alla dagana sem við yrðum með þeim. Já það byrjaði semsagt verkfall á miðvikudaginn (daginn sem við komum til parísar) svo að almenningssamgöngur lágu niðri ( jú það var líka svoleiðis verkfall um daginn) svo að það var ekki beint auðvelt að komast á milli staða.

En við úberjákvæðu íslensku ljóskurnar mættum nú samt galvaskar í höfuðborg Frakkanna og vorum síðan svo heppnar að metro-ið (neðanjarðarlesarkerfið ) virkaði smá þannig að það var alveg hægt að taka lestar milli staða ef að maður var bara þolinmóður.
Eins gott að ég góð í að vera þolinmóð
En ég var kominn heim til Irene þar sem við gistum um hádegi á miðvikudaginn og við bara dunduðum okkur á meðan við biðum eftir að Eva Dís myndi birtast....fórum t.d. út og ætluðum að fá okkur heitt kakó....en einhvern veginn enduðum við á að kaupa Ben&Jerry's ís....hmm skil ekki hvernig það gerðist.

Svo kom Eva Dís mín um 2 leytið....miklir fagnaðarfundir og svo...drifið sig strax út til að fara að versla...hehe ákváðum að það væri sniðugt að ljúka verslunarleiðungrum af áður en Zac kæmi en hann átti að koma um kvöldið. Svo við fórum í hjúúts búð....Galleries Lafayette en það er svona risaverslun sem er bara með öll merki sem að manni dettur í hug. T.d er ein hæð bara snyrtivörur og önnur bara skór....
ekki slæmt það en samt keypti Snædís Anna enga skó...takk fyrir ¨!!!!

Eftir að kortin voru búin að fá að finna aðeins fyrir því þá var það Eiffel turninn næst. Við tókum metroið að honum og þegar við gengum út úr lestarstöðinni lét Irene okkur Evu Dís labba aftur á bak þangað til að við vorum komnar á besta ústýnisstaðinn fyrir turninn. Hún tók svo mynd um leið og við snérum okkur við og já...held að það sé hægt að segja að við höfum verið heillaðar.....

- 14. nóv "Vá hvað hann er flottur" -

Svo voru að sjálfsögðu teknar ófáar myndir, alls konar uppstillingar og eftir það var ekkert að gera nema drífa sig upp. Eva Dís mín fékk næstum því taugaáfall á leiðinni upp en brjálæðingurinn ég tók bara myndir af því hvað var hátt niður og sagði með reglulegu millibili:
" jú við erum alveg að verða komnar upp"

 
- 14. nóv, Irene, ég og Eva Dís uppi í Eiffel turninum -

Þegar upp var komið voru svo teknar enn fleiri myndir enda ekki hægt að segja að það sé slæmt útsýni úr 300 metra hæð. Já semsagt alveg ótrúlegt mannvirki þarna á ferðinni og maður varla trúði því að maður væri loksins þarna. Mæli sko með þvi að allir fara til Parísar einhvern tíman á ævinni. þetta var allavega pottþétt ekki mín siðasta ferð þangað !!!

Dagur 2
Nú hafði Zac bæst í hópinn og við tókum stefnuna á Notre Dame. Við löbbuðum bara þangað þar sem veðurfræðingarnir höfðu, eins og þeim einum er lagið, algjörlega rangt fyrir sér og það kom ekki dropi úr lofti alla ferðina. Á leiðinni var ótrúlega flott að horfa í kringum sig, fórum yfir Signu og svo eru gömul og flott hús hvert sem að maður lítur .

 - 15.nóv, ég og Eva Dis við Sign, sést í Notre Dame í bakgrunni -

Í Notre dame fórum við svo upp í turninn og sveifluðum okkur í bjöllunum eins og Quosimodo gerði forðum....nei reyndar ekki en það voru pottþétt teknar myndir af bjöllunum.
Ég var síðan svo einstaklega heppin að myndavélin mín varð batterílaus þegar við vorum þarna uppi svo að ég á ekki neinar myndir frá París eftir Notre Dame. En við notuðum nú bara Evu Dísar myndavél og hún sendir mér allar myndirnar svo að harðir aðdáendur þessa bloggs verða bara að bíða rólegir

 
- Irene, ég og Eva Dís uppi í Notre Dame -

En já ég verð nú bara að segja að jú jú Notre Dame er rosalega flott að utan en ég var nú ekki lengi að labba hringinn þegar ég var að skoða hana að innan. Einhvern vegin eru allar þessar kaþólsku kirkjur voða svipaðar þegar maður er búinn að skoða eina...já ég víst ekki menningarlegri en þetta.
Anyway þá getur hvort sem er engin þeirra toppað kirkjuna í Feneyjum !!!

Eftir Notre Dame lá leiðin á Louvre safnið, en þegar við mættum þangað um 5 leytið þá litu starfsmennirnir einu sinni á okkur og þá bara
" þær eru komnar....lokið safninu núna!!! "
Nei oki ég er að bulla....en allavega þá var safnið samt að loka af því að starfsmenn Louvre voru að styrkja þessa sem voru í verkfalli og lokuðuð þess vegna bara klukkan 6 í staðinn fyrir 9. Spes...hugsa að þetta myndi nú gerast í fáum löndum nema Frakklandi!

En við nenntum nú ekki að svekkja okkur á þessu, héldum áfram að vera bara úberjákvæð, já maður kemst sko langt með jákvæðninni ;)
Í staðinn tókum við bara Metro að sigurboganum og gengum svo niður alla Champes Élyseé. Upplifðum okkur rosa rík og flott að vera að versla á frægustu verslunargötu í París en veskið mitt var nú reyndar ekki alveg sammála því að ég væri rík... óþægð í þessu veski alltaf hreint
Ég svekkti mig svo frekar mikið yfir því að það væri búið að setja upp allar brjáluðu jólaskreytingarnar en ekki kveikja á neinu. Mér fannst bara illa gert að vera að dingla þessu svona fyrir framan mann og svo þurfti maður bara að ímynda sér hvað þetta yrði flott þegar yrði loksins kveikt á öllu dæminu  En já góður dagur og eftir þennan dag var maður alveg fallinn kylliflatur fyrir París !!

Dagur 3....DISNEYLAND!!!!
Já ákváðum að það væri komið nóg af því að vera menningarlegur í bili og fórum í Disneyland. Það var reyndar heavy vesen að komast þangað útaf verkfallinu svo að það dró aðeins úr úberjákvæðninni á leiðinni en hún kom sko öll aftur þegar við komumst loksins á leiðarenda.
Já í Disneylandi þurfti ég sko ekki að svekkja mig á að jólaskreytingarnar væru ekki komnar upp...ó sei sei nei. Þetta var bara geggjað allt saman. Svo passaði þetta lika allt saman vel því að hvorki Eva Dís né Irene eru miklir aðdáendur hárra hæða eða mikils hraða svo að þær gátu rölt um í rólegheitum og skoðað....og það var sko nóg að skoða, á meðan ég og Zac bókstaflega hlupum á milli rússíbana. Já við erum að tala um að undir lokin var adrenalínið komið svo hátt að ég fann ekki lengur fyrir kulda en ég gat heldur ekki labbað eftir beinni línu

Við vorum nú samt þarna á ótrúlega góðum tíma held ég, skrúðgöngurnar voru rosalegar því að það er komið jólaseason en samt var ekki mjög mikið af fólki og náttúrlega enn færra fólk útaf verkfallinu. Svo að við þurftum nánast hvergi að bíða í röðum og ef voru raðir voru þær stuttar. Við enduðum svo daginn á rosa flottum veitngastað sem var innréttaður eins og regnskógur, mér fannst reyndar nóg um þegar komur þrumur og eldingar og ljósin fóru að blikka, en við fengum góðan mat. Komust heim seint og um síðir og allir gríðarlega sáttir með daginn !!!

 Dagur 4 - síðasti dagurinn í París
Þennan dag var sofið aðeins lengur en hina dagana þar sem að planið var hvort eð er ekkert rosalegt. Við vorum búin að sætta okkur við að við færum ekki til Versala í þessari ferð...það verður bara að bíða þangð til í næstu Parísarferð. Við bara nenntum ekki aftur svona veseni við að komast á staðinn eins og við lentum í við að komst í Disneyland....
(bæði Disneyland og Versalir eru aðeins utan við París).
Allavega þá vorum við mætt á Louvre um hádegisbil og skoðuðum okkur þar um í rúma 3 tíma. Þá var maður held ég búinn að sjá svona allt það merkilegasta. Það kom mér samt rosalega á óvart að það má bara taka myndir þarna inni eins og maður vill svo að nú á ég rosa flotta mynd af mér með Monu Lisu... ( á myndavélinni hennar Evu Dísar)
Reyndar þurfti nú að zúmma töluvert því ekki er hún stór þessi elska... sko Mona Lisa ekki Eva Dís!! ;) Það var síðan eins í Louvre eins og Disneylandi að það var ekkert troðið af túristum svo ég gat ýtt nokkrum Japanagreyum frá og prófað að labba yfir salinn og horfa á Monu Lisu til að sjá hvort að hún elti mig. Og hún gerði það, ótrúlegt alveg hreint, það er alveg sama frá hvaða sjónarhorni maður horfir á hana, hún horfir allaf á þig til baka.
Þar sem að ég er náttúrlega algjörlega teiknifötluð manneskja þá bara get ég ekki skilið hvernig í ósköpunum er hægt að mála það. Verð að reyna að ná á DaVinci og spurja hann...býr hann ekki annars hérna í Frakklandi eða

Jæja eftir rúma 3 tíma í Louvre var Snædís listaáhugamannesja nú alveg komin með nóg í bili. Þetta er náttúrlega brjálæðislega stórt hús og það er sko ekki mikið mál að villast
Svo við skulum segja að ég hafi verið frekar fegin þegar við komumst loksins út.
Eftir Louvre fórum við heim og slökuðum aðeins á, svo út að borða og ég fékk enn eina bragðlausu frönsku steikina, veit ekki hver laug því að heiminum að Frakkar væru svona góðir kokkar. Eftir matinn fórum við aftur að Champes Élyseé og þar fórum ég, Zac og Irene í risa Parísarhjól en Eva Dís varð eftir niðri...minnug um bitra reynslu í Nemo rússíbananum daginn áður

Verð nú samt að segja frá því hér að við Eva Dís gerðum stórmerkilega uppgötvun, eða kannski ætti ég ekki að segja frá þessu, kannski vissu þetta allir og við erum bara svona vitlausar...ooo jæja sjáum til.....Við semsagt spurðum Zac, sem er frá Nýja Sjálandi og því enskumælandi, hvort hann vissi afhverju Parísarhjól heitir Parísarhjól, þetta var svarið sem við fengum...

" ahahah it's not called a Pariswheel, it's called a Pheriswheel and Pheris is just someones last name"

*uuu roðn roðn  roðn roðn *
Kræst getur þá einhver sagt mér afhverju þetta er kallað Parísarhjól í íslensku !??!?!!

Jæja þá er ferðasagan búin held ég, sleppi því bara að segja frá ofurmagnaða panikkastinu sem að Eva Dís tók á laugardagskvöldið yfir að við fengjum pottþétt engan leigubíl á flugvöllinn um morguninn..... nei æ úbbs sagði óvart frá því

Þetta er orðið alltof langt, sem þýðir bara að þið verðið að skilja eftir löng komment....eða bara stutt komment ég sætti mig við bæði hehe

A bientot ......Snædís Anna

Ps. þegar ég var í reiðiskasti við bloggið mitt í gær dundaði ég við að setja inn myndir á pjattpikusiðuna ( pjattpikurnar.bloggar.is )... Eiginlega svona myndaannáll, elstu myndirnar síðan 2003. En já endilega skoðið líka

Þangað til mér er runnin reiðin við bloggið mitt ....

Snædís

En já það getur sko verið þreytandi til lengdar að skilja aldrei allt sem verið að segja í kringum mann... skilja ekki brandarana, vera ekki alveg viss um hvort að fólkið er að hlægja að mér og ég ætti að vera móðguð eða hvort að einhver sagði bara eitthvað fyndið og ég ætti að hlægja líka. Sérstaklega er erfitt fyrir mig, (hmm nú hlægja þeir sem þekkja mig vel) að geta ekki svarað fyrir mig!!
Geta ekki komið með nein kaldhæðin eða sniðug skot á fólkið í kringum mig. En þetta kemur allt með kalda vatninu ( er það ekki annars eitthvað sem maður segir?)

Annars verð ég að segja að mér finnst alveg magnað hvernig heilinn fer allur í rugl þegar maður er að læra nýtt tungumál svona með því að flytja til annars lands. Greinilegt alltaf þegar maður lærir tungumál er maður að nota sama hluta heilans  Fyrst eftir að ég kom hingað þá flæddi enskan alveg fram í hausnum á mér, hugsaði bara allt á ensku.... Næst þá fóru allt í einu að koma dönsk orð inn í setningarnar mínar. Ég vil reyndar kenna norsku stelpunum um það en með  því að hlusta á þær tala held ég að öll danskan mín hafi rifjast upp.
Svo já þá var ómögulegt að reyna að hugsa eða búa til setningu á frönsku því það slysuðust alltaf dönsk/norsk orð inn í með.

Núna er franskan samt hægt og rólega að ná yfirhöndinni og það er alveg fyndið að þegar maður er kominn á svona ágætisskrið í þessu hvað maður er fljótur að grípa orð og festa þau í minnið. Ætla sko að reyna að nýta þennan tíma sem best og eyða öllum mínum frítíma í að lesa orðabókina mína og læra ný orð...............Ahahahah líklegt

 En já talandi um að danskan mín sé að koma aftur þá finnst mér eiginlega bara frekar skemmtilegt að hlusta á norðmennina (eða konurnar því þetta eru allt stelpur.)
Um síðustu helgi þá var ég með 4 norskum stelpum og einni sænskri og ég bara sat þögul og hlustaði. Ótrúlegur fjandi hvað ég gat skilið mikið. Gat svosem ekki gert mikið annað á meðan ég hlustaði því ég þurfti að einbeita mér svo mikið, bara heppni að ég mundi eftir að anda ;) nei kannski ekki alveg en ég var þokkalega stolt af mér
Fannst samt frekar skondið um daginn þegar ég var hjá Amie og Carinu og þær voru að tala norsku og ég að hlusta. Svo heyri ég allt í einu “Amie skal du kuker mere i kveld” !!! og þeir íslendingar sem heyra þetta hugsa líklega það sama og ég hugsaði....Það tók mig örugglega mínútu eða eitthvað að átta mig á að hún var ekki að spurja hvort Amie ætlaði að kúka meira í kvöld heldur hvort hún ætlaði að elda meira í kvöld. Þegar ég áttaði mig á þessu þá náttúrlega tók við mikið hlátuskast og ég ætlaði aldrei að geta útskýrt fyrir þeim hvað var svona fyndið. Gaman að þessu

Í dag fékk ég svo að tilkynna öllum viðskiptavinunum á veitingastaðnum að réttur dagsins væri lambakjöt eða rassgat!!! Orðið er reyndar hvorki skrifað svona né borið alveg eins fram en mjög svipað samt. Svo ég þurfti alveg að passa mig að fara ekki að hlægja í hvert skipti sem ég bauð fólkinu að fá sér rassgat í matinn  (Rascasse er víst einhver fiskur!)

  Annars er það helst að segja um vikuna sem er að líða að við Elisa drifum loksins í því að þrífa herbergið okkar...í fyrsta skipti síðan við fluttum inn í það. Við reyndar íhuguðum að sleppa því bara alveg og leyfa bara Steina að dunda sér við það þegar hann kemur um jólin....ég meina hann þarf að hafa eitthvað að gera þegar ég verð að vinna ahahaha.
En svo sættum við okkur við að við yrðum líklega dauðar úr rusleitrun eða einhverju álíka löngu fyrir jól ef eitthvað yrði ekki gert í málunum.
Svo við bara drifum þetta af, tók nú ekki langan tíma enda ekki stórt herbergi. Ég gerðir reyndar eina stórmerkilega og fremur ógeðfelda uppgötvun í þessum þrifum.
Já það er nefnilega svona sturtubaðkar hérna á herberginu og mér fannst það nú vera orðið svona frekar gamalt og sjúskað þegar ég sá það fyrst, allt svona gulnað að innan og svoleiðis. En maður verður nú að baða sig einstaka sinnum svo að þetta skipti mig svosem ekki máli...gamalt baðkar en baðkar engu að síður.
Svo þegar ég var komin í stuð í þrifunum og var að nudda skítinn af blöndunartækjunum þá ákvað ég að strjúka nú innan úr baðkarinu líka.........og viti menn, gulan HVARF!!! Baðkarið var semsagt ekkert gamalt og gulnað, bara óóóógeðslega skítugt.
Það var ekki gaman að hugsa um að ég var búin að fara freyðibað tvisvar í öllum þessum skít !!!
Svo að baðkarið var svo gott sem sótthreinsað að innan og ég verðlaunaði mig með að fara í þrusugott freyðibað um kvöldið.....bara helvíti sátt með litla hreina baðkarið mitt!

Ójá svo fékk ég líka pakkann frá henni múttu minni í dag!!! Var eins og lítið barn á jólunum held ég og borðaði yfir mig af harðfisk, rjómasúkkulaði og lakkrís....Var reyndar rekinn með harðfiskinn fram í eldhús því að þeim fannst svo vond lykt af honum. Enginn þorði að smakka nema Elisa..hún sagði að sér fyndist þetta gott en vildi samt ekki meira hmmm....
En jæja aumingja þau, þau mega sko éta sinn vibbalega vonda franska fisk fyrir mér, þá er bara meiri harðfiskur handa mér ;) En takk fyrir að senda þetta allt mamma mín, þú ert æði :* 

Jæja nú er bara einn vinnudagur eftir í vikunni, verð að fara að finna mér eitthvað sniðugt til að gera um helgina. Vona svo að krakkarnir úr skólanum séu til í að fara á nýjan stað á laugardagskvöldið. Þar á nefnilega að vera aðeins fjölbreyttari tónlist en á öllum hinum stöðunum þar sem er techno ALLAN timan....og fyrir mér er það eins og það sé bara verið að spila eitt langt og leiðinlegt lag allt kvöldið.

Síðan er það bara vinna mánudag og þriðjudag og “aprés”................PARÍS  Hlakka óendanlega mikið til, held eiginlega að ég hlakki of mikið til og ég held að ég verði kannski aðeins að lækka væntingarnar....
Ég meina hvað er svosem í París, fullt af hundaskít, dónalegir Frakkar og einhver stór ryðturn sem blikkar á kvöldin. Og hitta Evu Dís, ég hef nú hitt hana svo oft að það getur varla talist spennandi ennþá...!!!
Nei sorry þetta virkar ekki, hlakka ennþá jafn mikið til, get ekki beðið eftir að sjá París, og mér er alveg sama um hundaskítinn og dónalegu Frakkana, ég verð þá bara dónaleg á íslensku á móti!! Og svo verður hreint og beint ÆÐI að hitta Dísina mína og upplifa þetta allt með henni

 Oki ætla að hætta núna annars á ég ekki eftir að geta sofnað, held lika að ég sé farin að pirra Elisu greyið með öllu þessu pikki
Þið eruð hetjur ef þið nenntuð að lesa þetta allt 
Verðlaunin eru að þið fáið að skilja eftir comment!!!
Til hamingju og njótið vel ;)  

A bientot......Snædís Anna   

Nenni annars ekki að blogga núna því það er ekkert merkilegt í fréttum :D
Set inn blogg áður en ég fer til Parísar...lofa

A bientot... Snædís